شول مۆبارک ذاتینا ایشیم ثنادیر، یا نبی،
عاصیلیک بیمارینا آدین شفادیر، یا نبی.
آیاغین توپراغینین قدرین نه بیلسین هر کیشی،
کون-فکان اول توپراغه کمتر بهادیر، یا نبی.
ائی گۆنش یۆزلو حبیب، هر کیم سنی حق بیلمهدی،
دانلا محشرده آنین یۆزی قرادیر، یا نبی.
چۆن سنین خوشلیغینا یاراتدی صانع عالمی،
آیاغین توپراغینا عالم فدادیر، یا نبی.
بو حبیبی خستهیه قؽلغیل شفاعت روزی-حشر،
چۆنکی اصلینده سنینله آشینادیر، یا نبی