منو
ائی آفیتابی-دؤولت، وئی کؤوکبی-هیدایت
ائی آفیتابی-دؤولت، وئی کؤوکبی-هیدایت،
ائی مطلعی-تجلّی، وئی نوری-بی‌بیدایت.
شمعی-رۆخی-جمالین بیر نوری لم‌یزل‌‌دیر،
که-انوارینه بولونماز هرگیز آنین نیهایت.
ائی نوری-مئهری-عالم، بیر مه دۆرور کی، یۆزون،
مئهر ایله ماهه ائیلر هر دم‌به‌دم سیرایت.
هیجرین شبینده مقصود یولونی یاد قؽلدیم،
بیر گوشه‌دن گؤرونگیل، ائی کؤوکبی-هیدایت.
سن مۆصحفی-حیاتی یازدیقدا دستی-قۆدرت،
یۆزون صحیفه‌سینه نقش ائتدی یئددی-آیت.
کیرپیکلرینله قاشین، زۆلفین حۆروفیدیر کی،
سبع‌‌المثانیده صحیح اولدو اول کیتابت.
سۆنبول ساچینی چؤزمه کیم، نئجه باش آیاقدا
قالیر اوجوندان آنین بی‌جورم و بی‌جینایت.
معشوقینین، ائی عاشیق، مئهری اودو یئلینه
هر دمده آب و خاکه باخ، ائیله‌مه شیکایت.
معشوقه‌دن خبر کیم بیلمک دیلرسه، یانسین
عشق اودونا کی، عاشیق بودور اصحّ روایت.
بی‌پا و سر فناده قالمیشدورور حبیبی،
لۆطفونله دستگیر اول، فضلینله ائت عینایت.