دیل ساچیندان اولدو سئودایی میزاج،
جانا، شیرین لبلریندن ائت علاج.
عینی جاندیر اللریندن زهری-ناب،
سنسیز آبی-زیندگی میلحی-اۆجاج.
عنبری-سارا ساچیندان اولدو خاک،
نافهیی-چین نئجهسی بولا رواج.
حۆسنونین رازین نئجه ساخلایا دیل،
گیزلهمک مۆمکونمی میصباحی زۆجاج.
جؤوهریندن خاکی-پاکین، ائی صنم،
ائریشن باش اولمادی مؤحتاجی-تاج.
بو حبیبی دۆنیا و عۆقباده بس
حسرتیندن غئیره ائتمز احتیاج.
اولمادان بو باد و آتش خاکیمیز،
ماهی-مئهرینله بولایدی ایمتیزاج.