شکر ائت، فضولی، قیلما فغان، یار قیلسا جور

ای، هر تکلمیم خط سبزین حکایتی!
ویردیم همیشه مصحف رخسارین آیتی!
ایرمیش صحیح نقل ایله ارواح قدس دن،
عیسی یه معجز لب لعلین روایتی.
دل کشورینی غارت ائدرلردی خوب لر،
منع ائتمسیدی شحنۀ شوقون حمایتی.
بیلدیم طریق عشق خطرناک دیر، ولی
من دؤنمزم بو یول دان، اؤلوم اولسا غایتی.
قددین هلاکییم، دوشه بیلمم ایاغینه،
بیر درده دوشموشم کی، بولونماز نهایتی.
بس کیم، سنی گؤرنده گئدر مندن اختیار،
گلمز بیانه محنت عشقین شکایتی.
شکر ائت، فضولی، قیلما فغان، یار قیلسا جور،
کیم، اهل عشقه جوردور اونون عنایتی.