زاهد، چوخ ائتمه طعن مئی افتاده سینه کیم

محشر گونی دئدیم، گؤروم، اول سرو قامتی،
گر اوندا هم گؤرونمه سه، گل گؤر قیامتی.
ترک مئی ائتدین، ای کؤنول، ایام گل گلیر،
البته، بو عیشین چکیلیر بیر ندامتی.
مجنون کی، پادشاه سپاه جنون ایدی،
من تک مسخر ائتمه‌دی ملک ملامتی.
مجنون کی، پادشاه سپاه جنون ایدی،
من تک مسخر ائتمه‌دی ملک ملامتی.
صحرانورد ایکن، منه تصویر کوهکن،
اؤیرتدی شهر عشقده رسم اقامتی.
سنگ ملامت ایله چکین چئورمه حصار،
اشکیم فنایه وئرمه سین اهل سلامتی.
زاهد، چوخ ائتمه طعن مئی افتاده سینه کیم،
چوخلاری ییخدی پیر مغانین کرامتی.
غم ظلمتینده بولماغا درد و بلا منی
بسدیر، فضولی، آتش آهیم علامتی.