منو
گئجه‌لر یادیمه گلدیکجه مه رخساری
ییخدی ساقی بیر ایاغ ایله من افگاری،
بیر تپیک ائیله‌دی ویران بو کوهن دیواری.
گاه معمور قیلیر باده منی، گاه خراب،
گؤرونوز گاه یاپیب، گاه ییخان معماری.
گون چیخینجا ساچارام گوهر اشک انجم تک،
گئجه‌لر یادیمه گلدیکجه مه رخساری.
دل یاخار داغ گؤزون فکری ایله هجر گونی،
بو چراغیله می ساخلار گئجه اول بیماری؟
یوخ اؤزوندن خبری کیم کی، گلیر دنیایه،
بزمدن دیشره قوماز پیر مغان هوشیاری.
بیزه چون قدر بولونماز، چیخالیم دنیادن،
مشتری یوخ، نئجه بیر بکلیلیم بازاری.
قید تقلید، فضولی، سنه بیر آفت دیر،
بیر حصار ایده گؤر اوندان اؤزونه زنّاری.