ساقیا، سانما خراب ائتمیش مئی و صهبا منی

ای تغافل بیرله هر ساعت قیلان شیدا منی،
واقف اول کیم، اؤلدورر بیر گون بو استغنا منی.
ضعفم ائلدن یاشوران، احوالیمی ساخلار، ولی
نالۀ بی اختیاریم دیر قیلان رسوا منی.
گر منی خونابۀ اشکیم نهان ائیلر، نه سود،
قاندا اولسام، محنت عشقین قیلار پیدا منی.
واله ذوق لب میگون چشم مستینم،
ساقیا، سانما خراب ائتمیش مئی و صهبا منی.
خالی ائتمیشلر منی مندن محبت، دوست لر،
عیب قیلمین، گؤرسه نیز عالمده بی پروا منی.
گوشۀ محرابه توتموشدوم ره زهد و صلاح،
قویمادی اؤز حالیمه اول نرگس شهلا منی.
ای فضولی، بیر صنم زلفونه کؤنلوم باغیلادیم،
چکدی زنجیر جنونه عاقبت سئودا منی.