قاپیندا خم قدّمی گزدیریب یورور کؤنلوم

یوروتمیین عرقی مجلس ایچره باده ایله،
حرام زاده نی قویمین حلال زاده ایله.
وئریر ستم سبقین طفل خطینه زلفون،
قوما اول ایچی قارانی بو لوح ساده ایله.
منه زمان ایله مجنون مقدم اولسا نولا،
اویونده شاه برابر دئگیل پیاده ایله.
قاشین بلاسینا دوشدیم، فلک غمین چکه رک،
بو گوج لو یایی چکر اولدیم اول کباده ایله.
قاپیندا خم قدّمی گزدیریب یورور کؤنلوم،
ایتین دورور، یوگورور هر طرف قلاده ایله.
منم مدرس علم جنون، قانی مجنون
کی، بیر مراد اولا دورومده استفاده ایله.
باشیم آیاغینا گر دوشسه منع ائیله مزم،
نه ائیله‌دی منه، نم وار بیر فتاده ایله.
منی ساقینما، فضولی، غم ایچره مجنون تک
کی، من زیاده یم اوندان غم زیاده ایله.