دل ائیلر ناله، یا پیکان دگر سینمده پیکانه

اویوب آهویه مجنون دوشدی مشک تک بیابانه،
نولا چکسن اونی زنجیر زلف عنبر افشانه.
چکر کافر گؤزون هر دم جگردن غمزه پیکانین،
نه گوج دور بو، نه وئردی آله بیلمز بیر مسلمانه؟
بلا ناوک لرین سانجیلماسین می کؤکسومه هر دم،
دولاشیر شانه تک هر لحظه اول زلف پریشانه.
اوخون گلدیکجه سینمدن صدالردیر چیخان، بیلمن
دل ائیلر ناله، یا پیکان دگر سینمده پیکانه.
صدای ناوکین چیخدیقجا جان خرم اولور، گویا،
بو زندان بلادن چیخماغا رخصت وئر جانه.
بویانیب قانه، اولموش پاره پاره گل لر اعصاسی،
مگر خنجر چکیب، سن سرو تک چیخدین گلستانه؟
ملامت اودونا یاندین، فضولی، چیخ بو عالمدن،
ترحم قیل، روا گؤرمه کی، عالم اودلارا یانه