دامن ملک سلیمانه غبار اختلال

گلدی اول عیسی کیم، اوندان دیر حیات اهل حال،
یوخدور اونسوز خلق جسمینده حیاته احتمال.
گلدی اول خضر مبارک پئی کیم، اونسوز بی دلیل
مضطرب قالمیشدی اهل فضل و ارباب کمال.
گلدی اول مهدی کی، سالمیشدی زمان غیبتی
عقد نظم کشور اسلامه بیم انحلال.
گلدی اول آصف کی، قوندورموشدو جُند شوکتی
دامن ملک سلیمانه غبار اختلال.
سرفراز و راست عهد و نیک رأی و خوبروی
سرور پاکیزه اطوار و پسندیده خصال.
جوهر قابل ایاس عاقبت محمود کیم،
خلقه گؤسترمیش اونی ایزد فلکدن بیر مثال.
مرحبا، ای رونق افزای سریر عز و جاه،
مرحبا، ای زیب بخش مسند جاه و جلال!
سرورا، حقا کی خورشید جمالیندن جدا،
اختر اقبالینه یئتمیشدی بغدادین زوال.
اولموش ایکن اشک سیلابیله اعما، شکر کیم،
بولدو چشم ملک خاک مقدمیندن اکتحال.
قالمامیشدی فیض، گویا کیم سنه امداد ایچون،
اولیا قیلمیشدی برج اولیادن ارتحال.
ای خوش اول کیم، خرمن اعدایی برباد ائتمه یه،
جانب دریایه قیلدین سیر مانند شمال.
خصم ملکینه خرامان ائیله دین خضزرا علم،
شر شیطان دفعینه آچدین ملک وش پر و بال.
گیردین اول اقلیمه کیم، بحرایله برینده اونون
یوخ سنه بیر مونس و غمخوار غیر ذوالجلال.
قیلمادین امواج دریای عداوتدن حذر،
چکمه‌دین احوال آثار حوادث دن ملال.
کسدین اول فتنه باشین انتظام ملک ایچون،
ابتدای کار خیر ائتدین، مبارک اولدی فال.
فتح قیلدین اول یئری کیم، دور آدمدن بری
قیلمامیشدی صاحبیندن غیره هرگز انتقال.
آلدین اول اقلیمی کیم، عالمده یوز مین پادشاه
حسرتیله وئردی جان، فتحین بیلوب امر محال.
آچدین اول ملکی کی، یوز مین سلطنت لافین اوران
اولدی عجز ایله اونون دعوای تسخیرینده لال.
شاهد بصره پریشان حال ایکن وئردین اونا
خط و خال لشکر اسلامدن زیب جمال.
منبرین ذکر همایون ایله ائتدین سربلند
کاول مقامی حیف دیر قیلماق اراذل پایمال.
سکه سینه پادشاه اسمیله وئردین زیب و فر،
حیف دیر کیم، اولا اول رعنا سیه رو لایزال.
کسدین اول اقلیمدن اهل فرنگین رغبتین،
آچا بیلمز اولدی کفار اول یانا چشم خیال.
خلقه اعلان ائتمگه دین محمد ظاعتین،
ائیله دین اول مسجد اقصی یه تعیین بلال.
سرحد هندوستان آچدین، سنه یوز آفرین!
روم رخسارینا خیلی زینت آرتیردی بو خال.
گر سنه دشمن مقابل دورمادیسه، وجهی وار،
اولدورور خفاش، سنسن آفتاب بی زوال.
فتح یوز وئرمیش سنه هر قاندا کیم عزم ائیله سن،
هیچ کیمدن صورته گلمز خلاف امتثال.
لشکرین عزم ائتسه بیر ساعتده ائیلر تار و مار،
هر نه تدبیر و تأمل قیلسا خصمین ماه و سال.
سیر قیلسان همتین صرفینه دویماز* بیر نظر،
قیلسا اعدا جمله عمرون صرف ضبط ملک و مال.
عرصۀ جنگ و جدالین قتل دن خالی قالیب،
متصل رأیینله تیغین دیر قیلان جنگ و جدال.
تیغین ایستر رزم ائده، قانلار تؤکه، باشلار کسه،
رأیین ائتمز دوشمه نین فتحینی محتاج قتال.
بؤیله کی، توفیق حق نصرت نصیب ائتمیش سنه،
اکتساب رفعت و اقباله دوشموش دور مجال.
دوت جاهان معموره سین سرعسکر اسلام اولوب
نوجوانلار زور بازوسونا دؤیمز پیره زال.
جوهر ذاتینده چون ناموس نظم ملک دور،
لطف شاهنشاه اسلامین سنه اولسون حلال.
اولدی روشن کیم، سنه آغاز رفعت دیر بو فتح،
پرتو خورشیددن بدر اولاجاق دیر بو هلال.
وار امیدیم کیم، مخالف لر آراسیندا مدام،
آسمان قیلدیقجا نیران عداوت اشتعال،
متصل فتح اولا روزی جانب حقدن سنه،
فیض مدحینله فضولی خسته یه حسن مقال.
————————————————
* دؤزمز