وجود پاک ایله حق رحمتی دیر عالمه نازل

زهی کامل کی، عقل نکته دان درکینده حیران دیر،
وجود بی مثالی انتخاب نوع انسان دیر.
فلک بیر دُرج، اونون ذات شریفی گوهر یکتا،
جاهان بیر جسم، اونون حکم روانی، فی المثل، جان دیر.
اساس حکمتی، معنیده بیر سدّ سکندر کیم،
اونون یأجوج دور بیر یانی و بیر یانی انسان دیر.
بینای قدردیر معنیده اول عالی عمارت کیم،
مقرنس طاق گردون اول عمارت دن بیر ایوان دیر.
مظفر دایما سلطان سلیمان خان عادل دیر
کی، هر کیم تابع فرمانی اولماز نامسلمان دیر.
جهانگیری کی، گون تک مُلک تسخیرینه عزم ائتسه،
محقر جلوه گاهی عرصۀ ایران و توران دیر.
سخی طبع، مروت پیشه دیر کیم، بحر الطافی
تموج قیلسا موجی فقر بنیادینه طوفان دیر.
کمینه کیمسه یه کمتر عطاسی حاصل دریا،
محقر مجلسه بذل حقیری بهرۀ کان دیر.
وجود پاک ایله حق رحمتی دیر عالمه نازل،
اطاعت اهلینه گؤستردیگی عدل ایله احسان دیر.
سلیمان بارگاهی دیر یقین هیبت لی درگاهی
کیم، اوندا دیو لر تابع، پری لر بنده فرمان دیر.
معظم لشکریدیر بیر بولود کیم، دشمنه اوندان
فرنگی لر صداسی رعد، توپ لار داشی باران دیر.
سمندی سگریدنده لامع اولموش اختر ثابت،
سپاهی تپره دنده موجه گلمیش بحر عمّان دیر.
سفرده چکمک ایچون حشمت اقبال اسبابین،
عزایم عرض لوحی، سرور گردون گردان دیر.
زمانینده یئتیب جمیت اسبابه عارف لر،
اولوب درهم همین محبوبلار زلفی پریشان دیر.
خلایق صبح تک خندان اولوب مهر جمالیندن،
دل سوزان ایله دورونده آنجاق شمع گریاندیر.
حوادث دن مجاز مُلکونه تعمیرینه امکان یوخ
کمال عدل ایله تا مُلکه عثمان اوغلو سلطان دیر.
بحمدالله، بو گون خوف و خطادان شرع ناموسون
بولوب توفیق نصرت ساخلایان سلطان سلیمان دیر.
نشان فیضدیر اول نصرت و اقبال کیم، حالا
نه یان کیم، عزم قیلسا رهبری تأیید یزدان دیر.
دل و جاندان فضولی عزّ اقبالینه اول شاهد،
رضای حق ایچون دایم دعاگوی و ثناخوان دیر.
چو اولدیر حامی اسلام، واجب دیر اونون مدحی،
نه کیم، مدحیندن اؤزگه سؤز دئمیش، اوندان پشیمان دیر.
الهی، باقی اولسون دایم انسان پرور اقبالی
جاهان فانی ایچره تا بقای نوع انسان دیر.