لعل گنجینه سینه غالییه دن چکدی حصار

صفحۀ چهرۀ آل اوزره سواد خط یار،
دیل پرخونیمین آینه سینه سالدی غبار.
ای عذار و خصینه عنبر و کافور غلام،
دم به دم صفحۀ کافوره خطین عنبربار.
خط سبز ایله فزون اولدی لطافت رخینه،
کیم گؤروبدور وئره آینه یه رونق زنگار؟
صف عشاقه هجوم ائتدی مگر کیم، حسنون
لعل گنجینه سینه غالییه دن چکدی حصار.
مین بلا اوخونا سانجیلدی رخون عکسیندن،
اولالی ساده کؤنول عارضینه آینه دار.
آچدی کؤنلوم چیچگین ذوق خط رخسارین،
دون و گون اولدی برابر، نه عجب اولسا بهار.
خط دئگیل ظاهر اولان، آهوی چین دیر، چشمین
هر طرف جنبشه گلدیکجه قیلیر مشک نثار.
ای بت سنگدل و سیم تن و مشکین خال،
وی مه سرو قد و سبزخط و لاله عذار!
کؤنلوم آلدون کی، بهاسین وئره سن نقد وفا،
ائتمدین عهده وفا، قولینه قیلدین انکار.
نه روا اولمایا آثار مروّت سنده،
سن تغافل قیلاسان، من اولام آشفته و زار.
دوتالیم کیم، سنه سلطان، منه چاکر دئرلر،
اتصال ائیله منیمله و گر ائیلرسن عار،
کرم ائت، کؤنلومی وئر، غیرایله بازار ائدرم،
سن سنه، من منه، آزارایله اولماز بازار.
بالله، اینجیتمه منی، یوخسا شکایت قیلورام،
نئجه من صبر ائدییم، قالمادی جانیمدا قرار.
واضع معدلت و رأفت و انصاف و ادب
صاحب مرحمت و شفقت و تمکین و وقار.
اول زکی طبع کی، تحقیق صفاتیندا اونون،
طلب معرفت افگاری ائدیب دیر افکار.
ذاتی گوهر صدف حکمته، لیکن یکتا،
طبعی کوکب فلک دقته، امّا سیار.
درکینه قسم بدیهیده تصور محصور،
علمینه حاجب اسرار وقوع اظهار.
بزمی ارباب تمنایه مقام مقصد،
کلکی اهل حقه مفتاح کنوز اسرار.
علم منهاجینه اطواری اصول توضیح،
فیض مصباحینه آثاری سلوک انوار.
فوقها فرقه سینه صورت فعلی فتوا،
جمله دن جمله یه اول صدر شریعت مختار.
ای وجودین سببی تقویت شرع شریف،
بنیۀ ملت زهرایه سدادین معمار،
خدمتین اولماسا مقصود نه ممکن کی، وئره
نظم اصناف ثلاثه اثر هفت و چهار.
نقطۀ دایره گر اولماسا ذاتین، نه عجب
اولسا نُه دایرۀ چرخه معطل پرگار.
خدمت بزمینه مأمور ملائک صف – صف،
ظاهراَ صورت انسانه گیریب لیل و نهار.
ماه سیمالرایله عرصۀ بزمین گردون،
سرو بالالرایله خاک حریمین گلزار.
سرورا، اجر عمل عاجل و عاجل حقدن
جنّت اولموش سنه بو معنی شاهد آثار.
نولا گؤردوکجه سنی اولسا فضولی گویا،
سن بیر آینه سن، اول طوطی شیرین گفتار.
وار امیدیم نئجه کیم، کارگه حکمتدن
خاک و افلاکه مقدر اولا مکث ایله مدار.
سیر افلاک اولا خاک اوزره سنین رأیینله،
کمر خدمتینی ائده دواییر اقطار.