عدل بیر مقبول طاعت دیر کی، قالماز اجرسیز

ای سنه اقبال روز افزون عطای کردگار،
متصل تعظیمینه مأمور، دور روزگار.
آفتاب آسمان عدل سن، اولماز عجب،
قیلسا اقبالین تقاضای عُلوّ اقتدار.
قرب درگاه خلافت شوقی جاذب دیر سانا،
ائیلر ایسن نولا تغییر مکان، بی اختیار.
عدل بیر مقبول طاعت دیر کی، قالماز اجرسیز،
ععدلین البته قدرین آرتیریر پروردگار.
گرچی تحریکین سنین حکمت تقاضاسیله دیر،
قاندا عزم ائتسن اولور سندن منور اول دیار.
پرتو اقبال ایله شمع جاهان افروزسن،
ذوق دیدارینده دیر خاصیت فیض بهار.
قانغی خار خشکه لطفون یئتسه، ائیلر بارور،
قانغی صحرایه گذار ائتسن قیلیرسان لاله زار.
ابر نیسانسان، دئگیل بیهوده تحریکین سنین،
هر گل ائیلر کسب سندن، بحر دُرّ شاهوار.
قاندا اولسان، اولدیغون کشورده اولماز انقلاب،
قانغی غم اهلینه کیم، یئتسن، اولورسان غمگسار.
لیک سندن آیریلان خلقین ایشی دشواردیر،
بیر شبستانین چراغین آلسالار اولمازمی تار؟
تیره اولمازمی جهان پنهان اولجاق آفتاب،
گئدیجک گل دوری باغین گلبنی اولمازمی خار؟
خسته کسمزمی حیاتیندان طمع، گئتسه طبیب،
گئتسه جان، اولمازم جسم دردپرور خاکسار؟
ای فلک، بالله، ندیر موجب کی، بو ملک اهلینه
جور بی حد ائتدین و بیدادی قیلدین بی شمار!
نئجه قیلدین ععافیت ملکینی ویران ظلم ایله،
نئجه سالدین ذوق میراتینا محنتدن غبار؟
سن بیلیرسن کیم، بو ملک اهلینه اولموش دور شفیق
حضرت پاشای صاحب رفعت و گردون وقار.
اول سالیبدیر بوندا آثار کرم آوازه سین،
اول قیلیبدیر بوندا جمیعت اساسین استوار.
نئجه آلدین باشیمیزدان سایۀ اقبالینی،
نئجه ائتدین اهل ادراکه بو ظلمو آشکار؟
ائتمه دینمی وهم اوندان کیم، قیلام بیر آه ایله
هفت طاق و نُه رواقین، رخت و بختین تار و مار؟
عذرایله گردون دؤنوب وئردی جوابیم، کی فقیر،
بی تکلف اولموشام من هم بو ایشدن شرمسار،
لیک معلوم ائیله کیم، بو ماجرا مندن دئگیل،
سن قیلیردین التماسین بو ایشین لیل و نهار.
ائیله‌ییب عجز و نیازیله دوای بیریا،
اول سرافرازه سن ایستردون عُلوّ اعتبار.
لاجرم اولماز تضاعف مسندی تغییرسیز،
یئتمه یینجه منزله بولماز طلب اهلی قرار.
نئجه قیلسین آرزوی اختلاطین اهل قرب،
نئجه چکسین اهل رفعت مقدمینه انتظار.
نولا گر خورشیدوش دور اولسا اول صاحب نظر،
گر ایراق دیر، گر یاقین، احسانینا امید وار.
قاندا اولسا گؤرمه سین تاب حوادث دن ضرر،
ذات پاکین ساخلاسین هر فتنه دن پروردگار.
ای کی، هجرانین دل افکاره سالمیش اضطراب،
فرقتین تأثیری ائتمیش جانی محزون، جسمی زار،
ایسترم دایم گؤرم دیدارین، امّا نئیله ییم،
اختیاریم یوخ، منیم رأییمجه چرخ ائتمز مدار.
وار امیدیم، قاندا اولسا دولت و اقبال ایله،
اولا بختین کامیاب و کامران و کامکار.
اولا واصل قاندا اولسان دولت و اقبالینا
هر دعا کیم، صدقیله ائیلر فضولی خاکسار.