بوندا دیر تحقیق صدق و کذب ایچون دارالعیار

منشی قدرت کی، چکمیش خامۀ حکمت نگار،
صفحۀ ایامه قیلمیش ثبت وصف هر دیار.
بقعۀ بغدادین ائتمیش وصفینی دارالسلام
کیم، اونا تسلیم و تحسین ائده هر کشور کی، وار.
اولیا برجی دئمیش وصفین کی، خاک اشرفی
بقعه – بقعه اولیاء اللهه اولموشدور مزار.
حبذا بغداد خیرانجام جمیعت اثر
کیم، اولوبدور مظهر آثار فیض کردگار.
هم خلافت حکمونو، هم سلطنت فرمانینی
بوندان ائتمیش عالمه جاری، مرور روزگار.
بوندا دیر باقی نشان معجز خیرالبشر،
زاق کسری، نسخۀ ملک مولوک کامکار.
بوندان اولموش حجت حکم خلافت مُنطوی،
بوندا دیر خاک خلافت خیز ختم چار یار.
بوندا باغلامیش غزا شمشیرینی سلطان روم،
بوندا سالمیش سایۀ اقبال شاه ذوالفقار.
بوندا قیلمیش سرّ حق ظاهر شهید کربلا،
بوندا دیر تحقیق صدق و کذب ایچون دارالعیار.
بوندا اولموش منتشر فیضی امام عزمین،
بوندا اولموش بهرۀ علم شریعت انتشار.
بوندا دیر معروفه سرمنزل، جونیده جلوه گاه،
بوندا دیر بهلوله زنجیر جنون، منصوره دار.
دشتین ائتمیش سیر مین حاتم کیمی صحرانشین،
شهرین ائتمیش تخت مین نوشیروان تک شهریار.
بوندا اولموش صیت احسان و کرم آفاق گیر،
بوندان اولموش معدلت رسمی شیاع و اشتهار.
صحن صحراسیندا مین لیلی و مجنون جلوه گر،
کوهساری اوزره مین شیرین و خسرو باده خوار.
هر غریبه نازنین شهر و ویلایاتی وطن،
هر مزاجه معتدل آب و هواسی سازکار.
تربت مقبولی ِبرّ و فاجره تأثیربخش،
خاک پاک صورت هر زینته آینه دار.
بو مجرب دیر کی، بولماز ظلم بوندا امتداد،
بو مقرردیر کی، اولماز بوندا ظالم پایدار.
گرچی بیر قاچ گون فلک خیل بلا تعیین ائدیب
قیلماق ایستردی بو ملکون رخت عیشین تار و مار،
کفر مستولی اولوب، قیلمیشدی اسلامی زبون،
جهل استیلا بولوب ائتمیشدی اهل علمی خوار.
توتدی دست نالۀ مظلوم دوران دامه نین،
سالدی دود آه دل آینۀ چرخه غبار.
چرخ فی الحال اولدی اول رأی غلط دن منفعل،
دؤر فی الفور اولدی اول فکر خطادن شرمسار.
لطف ایزد شامل احوال اهل فقر اولوب،
قیلدی فیض عدل ایله تدبیر عجز و انکسار.
بایر اولموش ملکه تعیین ائتدی معمار خرد،
سوسامیش گلزاره ارسال ائتدی ابر نوباهار.
بادپای عزم کشورگیر عالم گرد ایله،
کُحل اعیان عجم قیلدیقدا خاک رهگذار،
قیلدی مشهور عرب فتح عجم تاریخینی،
گلدی برج اولیایه پادشاه نامدار.
روشن ائتدی عدلدن هر گوشه سینده مین چراغ،
جاری ائتدی فیضدن هر ملکینه مین جویبار.
خَلَّد اللهُّمَ سلطاناً سَقی الارضَ العراقَ
حِینما اضطَرَّت بِارسالِ السَّحاب کالبِحار
مُقتدً لولاه ماسِرنا اِلی صحنِ السُّرور
مُهْتِدٍ لولاهُ مانِمنا عَلی مَهدِ القَرار
عدلُهُ عَنْ نائِباتِ الدَّهر کَهفٌ لِلانامِ
ما لَهُم اِلّاِبِه السّکَینُ عِندَ الِاضطِرار
سَیفُهُ مِن حادِثاثِ الدّوِرِ حصنٌ لِلعداَ
ما لَهُم اِلّا قِراءفیه من هولِ الفِرارِ
صیتُهُ بالعَدْلِ للاسلامِ اَصَلُ الانتظارِ
ذِکرهُ بالمجدَ الاسلافِ وَجهُ الافتخار
آن بلند اختر که فضل اولین و آخرین،
یافته در جوهر ذات شریفش انحصار.
نور ملک آرای ماه از شمع جودش مستفاد،
تیغ عالمگیر مهر از دست فتحش مستعار.
عرصۀ دیوان حکمش نسخۀ دیوان حشر،
کافر آنجا مضطر و مقهور، مسلم رستگار!
کارگاه لظف و قهرش مظهر ناز و نعم،
مؤمن آنجا منعم و خوشوقت، منکر خوار و زار!
درگهش عرشی ست در رفعت که از چرخ برین،
می نماید دور باسکان آن قرب جوار.
حشمتش بحری ست در وسعت که هست از وی محیط،
قظره ای افکنده تحریک تلاطم بر کنار.
گر کند از صد هزار افزونتر اوصافش رقم،
نیست ممکن دادن شرح یکی از صد هزار.
اول شهنشاه فلک تابع کی، وئرمیش دولتی
بحر و بر حکمونده خورشید لوای زرنگار.
حد ذاتی ماورای اقتدار رسم عقل،
رسم فیض فطرتی مافوق حد اقتدار.
فوز گلزاریندا بیر سرسبز نخل بارور،
فیض دریاسیندا بیر پاکایزدرّ شاهوار.
هر نه کیم، عالم اونا محتاج، اول اوندان غنی،
هر نه اونونلا تفاخر خلقه، اوندان اونا عار.
ملک استغناده فیض نعمتیندن لایزال
خازن گردونه لازم سدّ باب افتقار.
جلوه گاه اوج استعلاده وهمیندن مدام،
بادی پای خوش خرام چرخه بیم اعتبار.
پادشاه بحر و بر سلطان سلیمان ولی،
سرور صاحبنظر، شاهنشه شفقت شعار.
اول نهال گلشن دولت کی، شاخ گل کیمی
لطف و قهریندن وئریر احبابه گل، اعدایه خار.
هر جهتدن ذات پاکی نقطۀ پرگار تک،
حاصل اوندان هر طرف یمن یمین، یسر یسار.
بانی حکمت کی، ارکان عناصردن مدام،
چار دیوار سرای صنعت ائیلر استوار.
سالمادان کوه شکوهیندن اونون سنگ اساس،
هر بینا ضیمنینده استحکامه قیلماز اعتبار.
یئددی اختر کیم، قضا امرین سرانجام ائتمگه
ناقه تک قدرت بیابانیندا چکمیش لر قطار،
قطع راه کعبۀ مقصود ائدرلرسه نولا،
اول قضاحکم و قدر فرمانه وئرمیشلر مهار.
منقطع دیر دهردن عصرینده تدبیر امور،
مرتفع دیر چرخ دن دورونده تکلیف مدار.
فاش سؤیلرلر کی، بیز معزولیز امر و نهی دن،
حاکم اولدیر، اوندا دیر فرمان، اونون دور اختیار.
ایسته سه گردون گزیب روی زمینی شرق و غرب،
نصرت اسلام ایچون بولماز اونون تک شهریار.
شرع حفظینده اَتمَّ معجزات مصطفی،
دین ظهورینده شریک اجر اصحاب کبار.
اولماسا ممکن فضای عرصۀ عدلینده سیر،
ظلم ائدردی دار دنیا اهلینه دنیایی دار.
حق ایکن عادل سلیمان حاکم ائتمیش عالمه،
اول و آخر قیلیب سرّ عدالت آشکار،
اول سلیمانین شکوهی دیوه سالمیش رستخیز،
بو سلیمان صولتی کفاری ائتمیش خاکسار.
اول سلیمانا مجال عزمده مهمل هوا،
بو سلیمانه زمان رزمده محکوم، نار.
عالمین وصفین سلیمان ملکی دئرلرسه نولا،
چون سلیماندان سلیمانه قالیب دیر یادگار.
آلماغا قیمت وئریب یئردن غبار درگهین
چرخ تدبیر تجارت ائیله‌میش لیل و نهار.
آی و گوندن کیل ائدیب، خلقی توتوب شاهد وئریر،
نورینی پیمانه – پیمانه، آلیر اوندان عیار.
بالله، ای دولت کی، درگاهیندا محرمسن اونون،
دوشسه فرصت، حالیم اول درگاهه عرض ائت زنهار.
قیلمیشام ترتیب صحن صدقه مین دُرّ ثنا،
بولمازام رخصت کی، درگاهه قیلام بیر بیر نثار.
مندن اول غافل، اونا من روز و شب اهل دعا،
مندن اول فارغ، اونا من متصل امیدوار.
یا رب، اولمازمی اولام آخر بو درد اشتیاق،
یا رب، اولمازمی اولام زایل بو رنج انتظار؟
بولدو عالم فیض عامیندن علاج درد دل،
حاش لله کیم، قالا آنجاق فضولی دلفگار.
وار امیدیم کیم، اونا هم اولا شامل مرحمت،
عام اولور، البته، فیض سایۀ پروردگار.
تا مدار گردش گردون بولوب امکان دور،
دفتر دوران ائده حفظ حساب هفت و چار.
هفت اختر ائده امر پادشاهه انقیاد،
چار عنصر اولا طبع پادشاهه سازکار.