کمال جهل ایله اوقات صرف اولور مه و سال

همیشه دوستوم اولدور، دئرم کی، مال وئریب،
قیلیر طبیعتیمی بستۀ علاقۀ مال.
عبادت حق و کسب علوم ایچون مطلق،
قوماز ملاحظۀ ضبط مال، منده مجال،
مدام دشمن اونا سؤیلرم کی، مالیم آلیب،
منه میسر ائدر نعمت فراغت حال،
حضور قلب وئر رونق عبادت حق،
فراغ خاطر اولور موجب حصول کمال.
فغان کی، دوستومو دشمنیمدن ائتمن فرق،
کمال جهل ایله اوقات صرف اولور مه و سال.
بو جهل ایله اؤزومو اهلی معرفت سانیرام،
زهی تصور باطل، زهی خیال محال!