اولمایایدیم، کاشکی، هرگز سنینله همنیشین

سن نه آفتسن منه، ای عقل بدفرجام، کیم،
بولماق اولماز صورت قُربونده آثاری نشاط.
طفل لر، دیوانه‌لر سندن مبرا اولماغین،
دونیا و عقباده بولموشلار کمال انبساط.
عزت و ذلتده بیلمزلر طریقی اعتبار،
حلت و حرمتده چکمزلر عذابی احتیاط.
اول کی، دایم همنیشنیندیر، معذب دیر مدام،
نئشه کیم تکلیفه حکم شرع ایله سنسن مناط.
اول زاماندان کیم، سنه وئردیم عنان اختیار،
اول زاماندان کائیله‌دیم محکم سنینله ارتباط،
اولماییب خالی غم و اندوه دن قبریم ائوی،
خار بستردیر منه پیوسته، خاکستر بساط.
اولمایایدیم، کاشکی، هرگز سنینله همنیشین،
قیلمایایدیم کاشکی، مطلق سنینله اختلاط.