گتیر، ساقی، قدح، اولدینسا حال دهردن آگه

گتیر، ساقی، قدح کیم، نوبهار عالم آرا دیر!
زمین سبز و هوا جان بخش و گلشن عالم آرا دیر!
پریشان اولما کیم، گلبرگ تک حالا بو گلشنده،
زبان حال سبزه عشرت ایماسینه گویا دیر.
آچیلدی لاله، گُلدی غنچه، گلدی عشرت ایامی،
نشاط و عیش ایچون اسباب جمعیت مهیا دیر.
گؤر اؤز حالینی و چکمه غم ماضی و مستقبل
کی، حالا موسم گلگشت و دّر جام صهبا دیر.
سحر گلزاره گَل، بالله، بو موسم لرده و هردم،
تماشا قیل کی، دیوانیندا گلون خوش تماشا دیر.

آچیلدی غنچه طوماری و معلوم اولدی مضمونی،
بودور کیم: فوت قلمان موسم گل، جام گلگونی.

گتیر، ساقی، قدح، بیل کیم، تعلل فوت فرصت دیر،
بو فرصت وار ایکن فوت ائتمه کیم، فرصت غنیمت دیر.
زمینه: “کیف یحیی العرض”* یازمش خامۀ سبزه،
نظر قیل کیم، بو هم آثار رحمتدن بیر آیت دیر.
دئییرلر جنّت ایچره آتش اولماز، بو عجب دیر کیم،
گلستان آتشین گل بیرله رشک باغ جنّت دیر.
جهانی رشک گلزار خلیل ائتکن بهار ائتمیش،
بو فیض عدل ابراهیم خان پاک سیرت دیر.
اونون یانیندا کیم، گلبرگ گلزار معانی دیر،
اونون بزمینده کیم، سرو روانی باغ بهجت دیر.

آچیلدی غنچه طوماری و معلوم اولدی مضمونی،
بودور کیم: فوت قلمان موسم گل، جام گلگونی.
————————————————–
*یئری نئجه دیریلدر.

گتیر، ساقی، قدح، اولدینسا حال دهردن آگه
کی، دوران اوزره دیر پیوسته صبح وشام و سال و مه.
خزان دیجوریده گلزار بزمینده آزان بلبل،
چراغ گل یاقوب، خلوت سرای دهر بولموش ره.
گل آچمیش خان وصلین، بلبله تکلیف ائدر هر دم
کی، گر مهمان ایسن خان خلیل الله، بسم الله.
جهانده دون مکدّر خاطر ایدیم فال فتح ایچون
بو گون گلزاره گیردیم گل کتابین آچماغا ناگه.

آچیلدی غنچه طوماری و معلوم اولدی مضمونی،
بودور کیم: فوت قلمان موسم گل، جام گلگونی.

گتیر، ساقی، قدح کیم، عیش ایچون خوش دور گل زامانینده،
زمان فوت ائتمه دورن غصۀ سود و زیانینده.
قماری “تحتها الانهار”* اوخور گلزار وصفینده.
عنادل “هذه جنّات”** اوخور گلزر شأنینده.
صبا غنچه دهانین پر زر ائتسه، هئچ کفر اولماز،
کی، مدح خان خاقان قدردیر غنچه دهانینده.
هوا سبزه دبانین تیز اگر قیلسا، یئریدیر کیم،
ثنای خیرخان انجامیندا سبزه زبانینده.
قدح توتماقدان اکراه ائتمزم، تا کیم ائشیتدیم من،
سحر بلبل دلینده، گل قاتیندا سبزه یانینده:

آچیلدی غنچه طوماری و معلوم اولدی مضمونی،
بودور کیم: فوت قلمان موسم گل، جام گلگونی.
———————————
* آلتیندان چایلار.
**جنّت لر بونلاردیر.

گتیر، ساقی، قدح کیم، باغ و صحرا لاله زار اولدی،
عجب فصل خجسته، موسم خوش روزگار اولدی.
شکوفه برگی توپراغ اوزره سیمین خشت لردیر کیم،
اساس عیش خلق اول خشت لردن بیقرار اولدی.
جگر قانی کیمی گشمیشدی گؤزدن تازه گل شکلی،
یئنه داغ دل اهل وفا تک آشکار اولدی.
چیخاردی سبز و گل خاک دن چوخ لعل و فیروزه،
ولی، یوز شکر کیم، خان خاک پاینه نثار اولدی.
فضولی، گر خزان واختی ایریردین متقی، حالا
مئی ایچ کیم، موسم گل گلدی، ایام بهار اولدی.

آچیلدی غنچه طوماری و معلوم اولدی مضمونی،
بودور کیم: فوت قلمان موسم گل، جام گلگونی.