گئت گئده خاطر غم پروریم اولدی خرم

غملی گؤردوکده اونو، کؤنلوم آچیلدی کم کم،
حالی قلبیمده اولان داغلارا قویدو ملهم.
یارالی کؤنلومی ترک ائتدی آز آز، عشق غم،
گئت گئده خاطر غم پروریم اولدی خرم،
او پریشان گؤرونوب، خاطری اولدیقجا ملول،
من اونوتدوم کدری، غصه نی، اولدیم بی غم،
جان کی، محروم ایدی عیش و فرح و عشرتدن،
عیش و عشرت حرمینه یئنه اولدی محرم.
عالمین ذوقونو، شوقینی اونوتموش کؤنلوم،
یئنی دن آنلادی کیم، شوق ائویدیر بو عالم.

من اونی غملی گؤررکن اؤزوم اولدیم خوشحال،
دؤزمدیم، وئردیم اونا طعن ایله بیر بؤیله سئوال.