قیلمادی تاب جفاسینا اونون بو دل زار

سؤزلریم ائتمه دی، افسوس، اونون قلبینه کار،
قورخمادان کؤنلومه هر لحظه یئتیردی آزار.
قیلمادی رحم منیم حالیما، بیداد ائتدی،
مرحمت ایستدیم، او ظلمده قیلدی اسرار.
من دئیلدیم داش اورک لی او جفاکار کیمی،
قیلمادی تاب جفاسینا اونون بو دل زار.
ائتمه‌دی دردیمه درمان او، من بیمارین،
ترک قیلدیم سر کویینی او شوخون ناچار.
باغلانیب سلسلۀ غربته قالدیم نئچه ایل،
شوق دلداری ایله اولدیم آغیر درده دچار.

کؤنلومین قاپینی گؤزدن من آخیتدیم هر آن،
آغلاییب، گؤز یاشی تؤکدوم، ائده رک آه و فغان.