شرحه گلمز کی، فراق ایله نلر ائتدی منه

کؤنلومی اولادی، مندن اوزونو ائتدی نهان،
قیلدی مین جور و جفا ایله منی سرگردان.
باخدی بدخواه رقیبین سؤزونه، من یازیغا،
نه قدر ایسته‌دی ظلم ائیله دی، توتدی دیوان.
شرحه گلمز کی، فراق ایله نلر ائتدی منه،
من ایدیم دؤزدوم، اونون ظلمونه دؤزمز انسان.
کؤنلوم امید وفا ایله اونا بند اولدی،
ائتدی امید ائوینی جور و جفاسی ویران.
همدم اولماق دا چتین دیر، اونی ترک ائتمک ده،
نه ائدیم، چاره ندیر، دردیمه قالدیم حیران.

بیر گئجه آتدیم حیا پرده سینی من اوزدن،
فرصت الده ائدیب، آچدیم اونا اؤز قلبیمی من.