منو
قامتی سرو، اوزو لاله، گوموش اندام لی
بیر گولون عشق اودونا قیلدی گرفتار منی،
سالدی حیرت اودونا، یاخدی او خونکار منی.
گاه گؤزه ل قددینی قارشیمدا نمایان ائتدی،
گاه اییب قاتلادی اول طرۀ طرار منی.
گاه منه سالدی نظر نرگس شهلاسی ایله،
گاه قارا زلف کمندینه سالیب خوار منی.
سینه مه چکدی غم و محنت اودوندان مین داغ،
ائیله‌دی شام و سحر گؤزلری خونبار منی.
قامتی سرو، اوزو لاله، گوموش اندام لی،
دلبریم ائتدی جفا چکمه یه وادار منی.
هر قدر سیزلاییرام من، او گؤزه ل شاد اولور،
رحم قیلماز منه، کؤنلوم ائوی برباد اولور.