بیر قدی شمشاد و گلرخساردن آیریلمیشام

وای، یوز مین وای کیم، دلداردن آیریلمیشام،
کیمسه بیلمز کیم، نه نسبت یاردن آیریلمیشام،
بلبل شوریده یم، گلزاردن آیریلمیشام،
فتنه چشم ساحر و خونخواردن آیریلمیشام،
بیر قدی شمشاد و گلرخساردن آیریلمیشام.

قددی طوبی، لعلی فردوسون شراب کوثری،
خلق و خویی ملک، صورتده امثال پری،
برج افلاکین سعادت لی، شرف لی اختری،
حسن آرا مجموع خوبلارین سراسر سروری،
بیر قدی شمشاد و گلرخساردن آیریلمیشام.

دوستلار، من ناله و فریاد قیلسام، عیب ایمیش،
چرخ بدمهرین الیندن داد قیلسام، عیب ایمیش،
غم دیارین دل آرا آباد قیلسام، عیب ایمیش،
بو بینا بیرله جاهاندا آد قیلسام، عیب ایمیش،
بیر قدی شمشاد و گلرخساردن آیریلمیشام.

دوشموشم غمخانۀ هجرانه زار و دردناک،
ناخن حسرت ایله ائدیب گریبانیمی چاک،
گونده یوز گز تیغ هجر یله اولورام من هلاک،
گردش دوار جوروندن من دلخسته ناک،
بیر قدی شمشاد و گلرخساردن آیریلمیشام.

آشیان شوقدن جانیم تنیم فرسوده دیر،
شام غم فرزانۀ بختیم منیم آلوده دیر،
آغلاماقدان چشم و جسم دردناکیم سُوده دیر،
سانما، ای همدم کی، فریادیم منیم بیهوده دیر،
بیر قدی شمشاد و گلرخساردن آیریلمیشام.

وصل اوموب جور و جفاسینی چکرکن جان هنوز،
مهر اوموب شوقینده یانارکن دلسوزان هنوز،
جسم غمناکیمده وار ایکن غم هجران هنوز،
یئتمه دن پایانه آه و ناله و افغان هنوز.
بیر قدی شمشاد و گلرخساردن آیریلمیشام.

ملک وصلی دلبرین، کؤنلومده معُمور اولمادین،
عشق جامیندن دل و جان مست و مخمور اولمادین،
درد چوخ هجراندن منم درد اولمادین،
هم فضولی عشق و عاشقلیغی مشهور اولمادین،
بیر قدی شمشاد و گلرخساردن آیریلمیشام.