سیّدا، موسوم گول دور، هامی دلشاد اولدو

زلف آراسیندا کؤنول عارض دلبر تاپدی،
بو قارانلیق گئجه ده ماه منور تاپدی.
طوطی جان لبوه پسته خیالیله یاتیب،
حبّزا، طالع فرخنده کی، شکّر تاپدی.
تاپدی اول دور گرانمایه نی آخردا رقیب،
گؤر کی، خرمهره بو عالمده نه گوهر تاپدی.
تیغ پاک ائتدی خطی عارض زیباسیندان،
بولبول ایام خزان بیر گول احمر تاپدی.
شکرلیللاه کی، کؤنول غملروه گتدی پناه،
اؤزونه عالم آرا یارایله یاور تاپدی.
آلدی دیوانه کؤنول دامن مجنونو اله،
وادیی عشقده بیر مرشید رهبر تاپدی.
سیّدا، موسوم گول دور، هامی دلشاد اولدو،
بیر منی پیر مغان زار و مکدّر تاپدی.