سیّد وئر اؤز جانینی رشک و حسدیندن

چیخماز دل زاریمدان او رخسار خیالی،
بولبولده عجبمی اولا گولزار خیالی؟
ایستر کؤنول اول عارض گولگونو عرق ناک،
گول گؤرسه، گولابه اولور عطار خیالی.
شوق دهن و فکر روخونده سنین، ای گول،
من ائیله مرم هیچ یوخ و وار خیالی.
پیوسته ناماز اوسته دوشور یادیما زلفون،
اوز کعبه ده دیر، قلبده زنّار خیالی.
هر کیمسنه بیر شئی گتیریرفکر و خیاله،
مجمودن افضلدی منه یار خیالی.
جنّت نه گرک دیر منه گر اولماسا رؤیت،
خوشحال قیلیب دیر منی دیدار خیالی.
بو خسته کؤنول ارش خداوند احد دیر،
گلمز دل محضونوما اغیار خیالی.
ایستر توتا دل ترۀ پرپیچینی، ای ماه،
افسونگره عادت دیر اولور مار خیالی.
سیّد وئر اؤز جانینی رشک و حسدیندن،
گلسه دل پرخونونا دلدار خیالی.