وصف لب نگاری قیلیب اشک آل ایله

عشق اهلی اولدو هر بیری بیر جانه مشتری،
پروانه اولدو شمع شبستانه مشتری.
عشق عالمینده همت مردانه گؤستریب،
بیر قاری اولدو یوسف کنعانه مشتری.
وارین وئرن، دئیل لر، اوتانماز، مثلدی بو،
جان نقدی الده اولدوم او جانانه مشتری.
رخسار یاری عقد عرق جلوه گاه ائدیب،
پروین اولوبدو مهر درخشانه مشتری.
لازیم دگیل پدر سنه، ای مهربان پسر،
دور یتیمه چوخ اولو مردانه مشتری.
آهیم شراری مشتری چرخی یاندیرار،
اول آشنایه گر اولا، بیگانه مشتری.
وصف لب نگاری قیلیب اشک آل ایله
سیّد اولوبدو لعل بدخشانه مشتری.