منو
وئرمه‌دی باد صبا مژده غبار مقدمین
انتظاریم حددن اؤتدو، گولعذاریم گلمه دی،
سونبولوم، سرویم، گولوم، باغیم، باهاریم گلمه دی.
انتظارایله گؤزوم یوللاردا قالدی، ای خدا،
اول گؤزوم نوری، اوزو خورشیدواریم گلمه دی.
رشتۀ عمروم یانار سوز ایله نار فرقته،
ای کؤنول، اود توت کی، شمع شام تاریم گلمه دی.
ائیله دین آخر منی، ای چرخ، یوسف دن جدا،
مصری کؤنلوم تختینه اول تاجیداریم گلمه دی.
گوی تک قالدی بو میدان ایچره سرگردان باشیم،
الده چوکن، عرصه یه اول شهسواریم، گلمه دی.
وئرمه‌دی باد صبا مژده غبار مقدمین،
سیّدا، درمان چشم اشکباریم گلمه دی.