سیّد، متاع شعرینی بازاره چکمه سن

ای عندلیب، رونق گولزار قالمادی،
گول غارت اولدو، خاره دخی یار قالمادی.
اغیاردن همیشه ائدردین شکایتی،
صد شکر کیم، زمانه ده اغیار قالمادی.
“نتویس سوها” بوروزه گلیب دیر عیان بو گون،
دورو قوتاردی، گنبد دوار قالمادی.
گون چیخدی، محو اولدو جاهاندان ستاره لر،
جزء نور شمس، شعلۀ انوار، قالمادی.
اوزلر توجه ائیله‌دی شمس حقیقته،
اقباله دؤندو، کیمسه ده ادبار قالمادی.
انهار کسرت اولدو روان بهر وحدته،
غیر از خدای واحد و قهار قالمادی.
بت لردن اولدو بیت خدا پاک، ای کؤنول،
یاریمدان اؤزگه خانه ده دیّار قالمادی.
سیّد، متاع شعرینی بازاره چکمه سن،
صراف گئتدی، زره خریدار قالمادی.