منو
عزیز عالم ایکن دلفکار سیّد تک
بودور او فتنه کی، سیز ائیله دیز افسانه منی،
محبتینده شهیر ائیله دیز جاهانه منی.
بودور او کیپریگی اوخ، دلبر کمان ابرو –
کی، تیر طعنه یه سیز ائیله دیز نشانه منی.
بو اول باهار دل آرادی کیم، هواسی ایله
باهار عمروم آرا دؤندریب خزانه منی.
خزانه‌لر وئریب آلدیم بو دور سئیرانی،
یئتیردی گنج خداونده اول خزانه منی.
نه خنده، گیریۀ بی فیضدیر ایشیم شب و روز،
اگرچی دؤندریب عشقینده زعفرانه منی.
فرات آشدی باشیمدان و لیک من تشنه،
یاخیب دیر اودلارا، ای وای، عاشیقانه منی.
عزیز عالم ایکن دلفکار سیّد تک
ائدیبدی خوار بئله گردش زمانه منی.