سیّدا، مشکل قالیر اول ماه نورافشان تک

گؤرمه‌ییب سن کیمی، ای مه، چرخ مینانین گؤزو،
کوردیر حسنون شعاسیندان ثریانین گؤزو.
زاهد کج بین نه بیلسین عارضین اسرارینی،
فیض آپارماز گول تاماشاسیندان امانین گؤزو.
دیل ائدر ناقوس تک فریاد درد هجردن،
سن کی، چیخدین دیشرایا، چیخدی کلیسانین گؤزو.
جانوا جانلار فدا کیم، سنسن ای ترسا بچه
مریمین جانی، مسیحین روحو، عیسی نین گؤزو.
بس کی ائتمیش روز و شب، ای طفل، فکر قامتین،
گؤرمییر بیر حرف الیف دن غیری موللانین گؤزو.
عنبر سارایه میل ائتمزدی، ای آهونگاه،
زلف مشکی نین اگر گؤرسیدی سارانین گؤزو.
سیّدا، مشکل قالیر اول ماه نورافشان تک –
کیم، قالیب دیر اول حلال ابروده دنیانین گؤزو.