دوشنام اولسادا، منه شیریندی سؤزلرین

دون، ای صفا کی، ائتمیش ایدین، خوش صفا منی،
توپراق دن گؤتورموسن، ای دلروبا، منی.
قربان بو مهربانلیغا، ای کعبۀ امید،
بوندان سورا چئویر باشوا، قیل فدا منی.
هر یئرده کیم، اولام سنین، ای شه، غلامینام،
یازمش سنه غلام ازل دن قضا منی.
هر گون سنین حضوروا من گلمک ایسترم،
بو امردن ممانعت ائیلر حیا منی.
جام مئی ایله حمد و ثنا صحبتین یازیب،
گویا تصور ائتمیسن اهل ریا منی.
خاک دریندن اولدوغوما نئچه گون جدا،
ای دوست، گرچی یازمش ایدین بد ادا منی.
راه محبتینده سنین اولمامیش شاهد،
سندن، ایلاهی، ائیله‌مه سی حق جدا منی.
دوشنام اولسادا، منه شیریندی سؤزلرین،
سیّد کیمی حساب ائلمه بیوفا منی.