آلمادی تربیتین پیر مغانین سیّد

بیرده بزمیمده منیم اول بت نوشاد اولومو؟
گؤره سن غملی کؤنول بیرده دؤنوب شاد اولومو؟
اول قدی سرو روان باشه سالارمی سایه،
دیل غم پروریمیز غصه دن آزاد اولومو؟
اؤزون انصاف قیل، ای پادشه کشور حسن،
سنی اغیارایله گؤردوکده کؤنول شاد اولومو؟
زلف مشکینینی ائیلرمی گئنه جانه کمند؟
گئنه دل صیدینه آهو گؤزو صیاد اولومو؟
جور یار اولدو فزون، ساقی، گؤزون قربانی،
راحت اوچون منه مئی تا خط بغداد اولومو؟
اؤزون انصاف ائله، ای لب لری شهد و شکّر،
لب شیرینوه بیر من تکی فرهاد اولومو؟
آلمادی تربیتین پیر مغانین سیّد،
جوهری ناقص اولان قابل ارشاد اولومو؟