سیّد، دل وی لال ائله سین قادر صبحان

دئردیم کی، کؤنول زیر و زبر اولماسین، اولدو،
همواره گؤزوم اشکله تر اولماسین، اولدو.
دئردیم کی، خطین توتمایا دور مه رویین،
بو فتنه عیان دور قمر اولماسین، اولدو.
عمروم توکنیب، اولدو نهایت شب وصلین،
ائتدیم کی دعالار، بو سحر اولماسین، اولدو.
باغ دل شیداده اولان نخل محبت،
دئردیم بئله بی برگ و ثمر اولماسین، اولدو.
چکدیم او قدر آه کی، اول سرو جمالی
سرکش لر اوچون مد نظر اولماسین، اولدو.
رشک اؤلدوره جکدی منی، اول مو میانین
اورتایه گلیب زیب کمر اولماسین، اولدو.
سیّد، دل وی لال ائله سین قادر صبحان،
دئردیم کی، دل یاره کدر اولماسین، اولدو.