منو
ای کاش، قویایدین ایتی نین آدینی سیّد
خط گلدی روخ یاره فزون اولدو سوادی،
شفافدی بو آیۀ ”واللیل” میدادی.
اول گول منی، گؤر، ائیله‌دی مشهور قباییل،
ایله کی، ادی شهره ائدیب قوم ایادی.
ای بار خدا، حاصل ائله یار مرادین،
گر قتلیم ایسه دهرده مطلوبو مرادی.
واعظ ائلییر منفت بادنی انکار،
مئیخواره لره گؤر کی، نه افزوندو عنادی.
زاهد ایشی ظاهرده عبا دیر و دعا دیر،
ملعون کیشیدیر، حیله و تزویر نهادی.
بو عصرده یوخ گوهر عرفانه خریدار،
ای بار خدا، لطفله رفع ائت بو کسادی.
ای کاش، قویایدین ایتی نین آدینی سیّد،
گه گاه دگیدی لب شیرینوه آدی.