قاشلاری تاقینده خالی آلدی کؤنلوم، سیّدا

لب لرین اؤپدوم، کؤنول اولدو مئی ناب اوغروسو،
اولدو، بو صرافی گؤر، بیر لعل سیراب اوغروسو.
باغبان دیر باغ رخساریندا زلفون، ای پری،
دیل دلر لعل لبین، بو طفل عناب اوغروسو.
تا سحر چشمین خیالیله کؤنول بیداردیر،
اولدو اول ساهیر بیزیم بیماردن خواب اوغروسو.
آلدی پنهانی دهانین هر نه کیم، وار ایدی یوخ،
آچماق اولماز سرّینی، مشکلدو احباب اوغروسو.
خط گلیب رخساروه، آلدی الیمدن کؤنلومو،
بو سیه عیاری گؤر کیم، اولدو مهتاب اوغروسو.
فال آچیب رخساروه زلفون قاراچی لر کیمی،
غارت ائتدی کؤنلومو دهرین بو قلاب اوغروسو.
قاشلاری تاقینده خالی آلدی کؤنلوم، سیّدا،
اولدو هر بیر اوغرودان بدتر بو محراب اوغروسو.