اگرچی سیّدم، اما سنه غلامم من

آلیب قراریمی، گل بیقرار قویما منی،
شکسته خاطر و بی غمگسار قویما منی.
آلیبدی یاغی گؤزون اختیاریمی الدن،
فدا اولوم، بئله بی اختیار قویما منی.
اگرکی اؤلدوره سن انتظاردن خوش دور،
آماندی، قانیمی تؤک، انتظار قویما منی.
فراقت دل و جان مست لیکده دیر، ساقی،
گؤزون فداسی اولوم، هوشیار قویما منی.
دوروبدو قتلیمه جلاد چرخ بی پروا،
آماندی، ساقی، گؤزوندن کنار قویما منی.
گدای کویینم، ای شهسوار عرصۀ حسن،
بو ذلت ایله سن، ای تاجدار، قویما منی.
اگرچی سیّدم، اما سنه غلامم من،
بو درد و غصه ده، ای شهسوار، قویما منی.