سانجیلدی تن زاریما گر اوخلاری، سیّد

بیلمم کی، بو نه فتنۀ دورو قمر اولدو،
ساقی، هانی خورشید مئی، آخر سحر اولدو.
اغیارایله اول غنچه دهن ایچدی مئی ناب،
ارباب وفا حسرت ایله خونجگر اولدو.
من درد دلیم عرض قیلیردیم، دئدی اول شوخ:
ها های! بو دا گلدی بیزه بیر درد سر اولدو.
وئردیم کؤنول امید ایله بیر اؤزگه نگاره،
بدبختلیگیم گؤر کی، بو اوندان بتر اولدو.
هر نخل تمنایه کی، یاشیملا سو وئردیم،
اغیاره سالیب سایه، منه بی ثمر اولدو.
دیلدن کئچیب، احوالی بیلن یار زباندان،
من عرض دل ائتدیم اونا، قصد دیگر اولدو.
سانجیلدی تن زاریما گر اوخلاری، سیّد،
اوچماغا سر کویینه بیر بال و پر اولدو