سیّدا، سلسلۀ زلفونه اولدوم مایل

سانما گول دور گتیرن صحن گولوستانه منی،
گوله سنسیز نظر ائتسم گتیر جانه منی.
ایله بیللم کی، منه منزل اولور نار سقر،
چکه‌لر سنسیز اگر روضۀ رضوانه منی.
زلفو خطین هوسی، ای گول رعنا، قویماز
باغدا مایل اولوم سونبول و ریحانه منی.
دیل زاریمدا اولان آتش عشقین آخر
ائیله‌دی شمع روخ آلوه پروانه منی.
غلط ائتدیم کی، دئدیم مصحف او وجه حسنه،
توبه‌لر وئر، قوی اؤپوم، تاپشیر او قرآنه منی.
مور سرگشته یم اول خیضر خطیمدن آیری،
سیزی تاری، یئتیرین ملک سلیمانه منی.
سیّدا، سلسلۀ زلفونه اولدوم مایل،
نه بیلیم کیم، ائدجکمیش بئله دیوانه منی.