بو گونه اولماز ایدی بیوفا او گول منه، سیّد

نولوردو بزمده، یا رب، منیم ده یاریم اولایدی،
آلیب پیاله اله یار مئیگوساریم اولایدی.
ایچیدی بادۀ گولگون او گول پیاله پیاله،
آچایدی عارضی گول لر، جاهان باهاریم اولایدی.
فضای باغ و گولوستانه میل ائتمز ایدیم، من،
اگرچی، شهرده بیر یار گولعذاریم اولایدی.
نشیمن ائتمز ایدیم من دیار غربتی، ای دل،
رقیبی یارایله گؤرمکده گر قراریم اولایدی.
او شوخون عشقینه مهجور خلق ائدیب منی خالق،
رضا اولوردوم اگر الده اختیاریم اولایدی.
رقیب ورماز ایدی خار غصه دن منه یاره،
او گولعذار یانیندا گر اعتباریم اولایدی.
بو گونه اولماز ایدی بیوفا او گول منه، سیّد،
اگر منیم ده وفاسیزلیغا شعاریم اولایدی.