قربانین اولوم، بونون سرانجامی اوچون

حاجی آغا بئی اوغلو علی یه
قطعه
الا، ای بئی، ایکی نوالین شوکرون
ذکر ائتمه یه عاجزدو زبانیم یوخدور.
بیربولبول خوشترانه یم عالمده،
صد حیف کی، تازه گولسیتانیم یوخدور.
تیر غمه من نشانه یرا زیرا کیم،
بیر کیپریگی اوخ، قدی کمانیم یوخدور.
یوخدور مئی گولرنگ، کؤنول قانه دؤنوب،
هرچند بدنده هیچ قانیم یوخدور.
سوداگر حیلۀ کمالم، امّا
سرمایۀ سود و هم زیانیم یوخدور،
معلوم شریفیوزدو کیم، خلق کیمی
کسب ائیله‌مه یه منیتن دوکانیم یوخدور.
ای دفتر عز و جاه، بیر دفتر اولور
یازسام کی، اوگر فلان فلانیم یوخدور.
سؤز مختصری بودور کی، وار بیر آتیم،
تدبیرین ائله، آرپا سامانیم یوخدور.
آت قالدی سامان سیز، نئچه گون صبر ائله دیم،
صبر ائیله‌مه یه دخی توانیم یوخدور.
قربانین اولوم، بونون سرانجامی اوچون
سندن غیری بیر کسه گمانیم یوخدور.