ائتمهدی پندلریم اول بت سنگین دیله کار،
قیلمادی رحم منه، ائیلهدی آزاری شعار.
ائتمهدی ترک جفا، گؤزلمهدی راه وفا،
ائیلهدی بو دلی پرخونوما هردم آزار.
حیرت زلفو روخیله او بت کافرکیش
آغلادیب دیدۀ پرخونومو هر لیل و نهار.
جگریم داش دئگیلدی او بت کافر تک،
ائتمدیم تاب جفایه، سفر ائتدیم ناچار.
رنج ایله بیر نئچه ایل محنت غربت چکدیم،
کؤنلومو قان ائلهدی حسرت دیدار نگار.
ائتدی هر خاره اؤزون اول گول رعنا همدم،
قیلدی هر خاری سرفراز، منی ائیلهدی خوار.
یادا دوشدوکجه او گول ائیلر ایدیم افغانی،
گؤزلریمدن تؤکولوردو جگریمین قانی.