او صفت اولما او گونده کی، خجالت چکه سن

هوس طرۀ طراروی ائتمز بیر کس،
میل نظارۀ رخساروی ائتمز بیر کس.
کام عشاقه لبیندن تؤکه سن شکّر اگر،
هوس لعل شکرباروی ائتمز بیر کس.
قاپوی سجدگه ائتمز دخی ارباب نظر،
طوف، کعبه کیمی دیواروی ائتمز بیر کس.
کبک تک ناز ایله هرچند خورام ایله یه سن،
آرزو شیوۀ رفتاروی ائتمز بیر کس.
هر کسین یانینا گئتسن، چکی* سندن اوزونو –
کی، طلب نرگس بیماروی ائتمز بیر کس.
بیر کسی گؤرمه سن آشفته، پریشان خاطر،
آرزو زلف سیه تاروی ائتمز بیر کس.
او صفت اولما او گونده کی، خجالت چکه سن،
ائشیدیب طعنه‌لری بار ملالت چکه سن.
——————————————————
* چکیر، چکر