گؤردولر عاجزم، اونلار منی بس خوار ائتدی

جان آشفته اسیر اولدو دل شیدایه،
سر سرگشته گرفتار غم دنیایه،
دانۀ خالی گؤروب مرغ کؤنول بند اولدو،
دام گیسوی بت لاله روخ زیبایه.
اولدو آتشگدۀ غصه دل سوزانیم،
سالدی کاکیل هوسی باشیمی بیر سودایه.
شاهد فطرت اسلیم آچیب پرده سینی
روخ زیباسینی گؤستردی من روسوایه.
دل و جان و طعنه یالواردیم، اولار ائتمه‌دی گوش،
بیر زامان ائتمه‌دی لر رحم من شیدایه.
دیل و جان و تن اولوب مایل دنیای دنی.
سالدی لار عاقبت عالمده منی غوغایه.
گؤردولر عاجزم، اونلار منی بس خوار ائتدی،
هر اوچو سلسلۀ ضبطه گرفتار ائتدی.