غصه دن تا صبح اولونجا زار و بیدار آغلادیم

بس کی، هر شب فرقتیندن ائیلرم چوخ آه و زار،
حالیما آغلار در و دیوار، یکسر بیقرار،
ضعف اولوب قالیب، منی دون خواب آلیب بی اختیار،
خواب توتجاق چشمیمی، گؤردوم سنی، ای گولعذار،
ائیله بیلدیم کی، دئگیل دیر خواب، ساندیم آشکار،
یالواریب اؤپدوم الین، دوشدوم آیاغه خاکسار،
ائیله‌دیم هجران الیندن چوخ شکایت بی شمار،
کیم، وصالیندان منی دور ائتدی دور روزگار،
ائیلر ایدین سیّدی هم وصلینه امیدوار،
ناگه اولدوم خواب دن بیدار، گؤردوم یوخدو یار.
غصه دن تا صبح اولونجا زار و بیدار آغلادیم،
اولدو جاری گؤزلریمدن اشک گولنار، آغلادیم.