منو
بالله اؤرتولمز مزاریم آه و زاریمدان منیم
ای دُرّ یکتا کی، یوخدور عالم ایچره قیمتین،
دلروبا لیقدا توتوب جمله جاهانی شهرتین،
گرچی من چکدیم ره عشقینده رنج و زحمتین،
وئردی هر گون یوز منه یوز مین بلا و محنتین،
اولدو، ای گول، هم سنین هر خاره میل و الفتین،
اؤزگه‌لر بزمین منور قیلدی ماه طلعتین،
القرض کیم، اولدو قسمت غیره خان وصلتین،
قالدی من دل خسته یه آنجاق ملال و خفتین،
آه، یوز مین آه، اگر کؤنلومده قالسا حسرتین،
قطع ائدر سرشتۀ عمرومو تیغ فرقتین.
بالله اؤرتولمز مزاریم آه و زاریمدان منیم،
باش چکر توپراق دن افلاکه سوز و شیوه نیم.