رشک ائدیبدور زمانه سالدی فرقت، عاقبت

ای خوش اول گون لر کی، بزمیمده نگاریم وار ایدی،
ذوق دیداریله کؤنلومده قراریم وار ایدی،
بیر عذاری ماه، زلفو مشکباریم وار ایدی،
لب لری شکّر، اوزو گول تاجداریم وار ایدی،
بیر جمالی رشک باغ و گولعذاریم وار ایدی،
سونبولوم، سرویم، گولوم، باغیم، باهاریم وار ایدی،
بیر پری پیکر، ملک رخسار یاریم وار ایدی،
کیم حریم وصلینه بوسو کناریم وار ایدی،
یار وصلیندن، غرض، خوش روزگاریم وار ایدی،
ائیله مزدیم میل گول، اول گولعذاریم وار ایدی.
رشک ائدیبدور زمانه سالدی فرقت، عاقبت،
قویدو اول ماهه من نالانی حسرت، عاقبت.