نادیره

بیر واخت [جوها] بیر نئچه رفیق ایله شکارا گئتمیشدی. بیر قورد اونلارا راست گلدی. قوردو شکار تصور ائله‌دی لر. ایسته‌دی لر کی، اونی توتسونلار. قورد قاچیب، بیر داشین آلتینا گیرمیشدی. جوهانین یولداشی باشین داشین آلتینا آپاردی کی، قوردو چکیب چیخارتسین. قورد اونون باشینی بدنیندن قوپاردی.
جوها گؤردو کی، یولداشی باشین چیخارتمیر. باخدی یولداشینی باش سیز گؤردو. فکره پیچیده اولدی کی، آیا، منیم یولداشیمین باشی اوّل دن وار ایدی، یا یوخ؟ اوندان سونرا یولداشلارینا دئدی کی، صبر ائله یین تا کی من شهره گئدیم، اونون عیالیندان خبر آلیم کی، بو کیشی نین باشی وار ایدی، یا یوخ؟
بس شکاردان گلدی یولداشی نین ائوی نین قاپی سینا. عورتیندن خبر آلدی کی، سنین اریون ائودن چیخاندا باشی وار ایدی، یا یوخ ایدی؟