نادیره

نادیره

بیر گون ایکی آخماق یول ایله گئدیرلردی. بیری دئدی کی، الله تعالی منه بیر سورو قویون وئریدی، مین رأس اولایدی. بیری سی دئدی کی، الله تعالی منه بیر سورو قورد وئریدی، مین باش اولایدی، تا کی سنین قویونلارینی یئییدی لر.
اول قویون ایسته ین غضبناک اولدی، اونی سؤیدو و داوایا، باشلادیلار. ناگاه جوها اونلارا راست گلدی. داوانین سببینی خبر آلدی. حکایتی بیان ائله‌دی لر. اتفاقاً جوهانین الینده بیر بستی بال وار ایدی. بستینی سرازیر ائله دی، بالی یئره تؤکدو. دئدی کی، منیم قانیم بو بال کیمی تؤکولسون کی، جمعی دنیادا سیزدن آخماق آدام یوخدور.