حکایت

حکایت

بیر گون بیر پادشاه صبح تئزدن شهردن چیخیب، شکارا گئدرکن بیر نفر باغبان اونون قاباغینا گلدی. چینینده بئل وار ایدی. پادشاهین آتی اوندان هورکوب پادشاهی ییخدی. پادشاه اونون قتلینه حکم ائله‌دی و دئدی کی، سن نه شوم آدام ایمیشسن کی، من سنه راست گلدیم، آتدان ییخیلدیم؟
اول باغبان دئدی کی، ای پادشاه، گؤر سن نئجه شومسان کی، من صاباح – صاباح سنه راست گلدیم، اؤلومه گئتدیم.
پادشاهین بو سؤزدن خوشو گلیب اونون قتلیندن کئچدی.