شراب حاقیندا

شراب حاقیندا

ائولر ییخیلدی دهرده شرب شراب دن،
عبرت گوتور شرابین اوزونده حباب دن،
حال حباب مطلبیمه بیر اشاره دیر،
بو عاریت سراده سؤزوم استعاره دیر.
عقل ایته دیر شرافت انسان زمانه ده،
پامال قیلما عقلی شراب و مغانه ده.
مئی بزمی نین دولانما، عزیزیم، کنارینا،
دیمز صفای بادۀ گولگون خومارینا.
هر کیمسه نین کی، خاطری مایل ایاغه دیر،
توتماز الینی عقل کی، میل ایاغه دیر.
باده دماغی فاسد ائدر، احتزاز ائله،
ناچار ائیله سن بو تبهکاری، آز ائله.
تقلید ایله بو مطلبی من قیلمیرام بیان،
بیر نئچه دفعه باده ایچیب ائتدیم امتحان.
گؤردوم کی، ایچمیشم چیخیب عقل و شعوردن،
فرق ائتمه‌دیم جاهاندا اوناسی ذوکوردن.
مست اولماسایدیم، اولماز ایدیم مایل زنا،
مست اولماسایدیم، ائتمز ایدیم جنگ بر ملا.
گرچی گناهی آز گؤرونور جام و باده نین،
اما درینی فتح قیلیر هر اراده نین.
هاروتو قیلدی شوربو اونون درده مبتلا،
ماروتو قیلدی شوربو اونون وارد بلا.
ایچمه شراب نابی کی، ام الفساددیر،
هر فتنه دن شراب فسادی زیاددیر.
ایچمه اونو کی، ایچمه‌دی پیغمبر خدا،
ایچمه اونو کی، ایچمه‌دی سلطان اولیا.
مئی شوربو بیل شریعت آدمده دیر حرام،
بو امره انبیای اعظام ائتمه‌ییب قیام.
میل ائتمه کیم، شرابه، دماغه زیانی وار،
ایچمز او کیمسه کی، خرد نکته دانی وار.
سیّد ائدیبدی توبه نی شرب شراب دن،
امیدی وار جزاده قوتارسین عذاب دن.
عاصی قولوندو عفو قیل، ای خالق رحیم،
فیضیندن ائیله‌مه اونو نومید، یا کریم!