مفتی حاجی عبدل حمید افندی یه

مفتی حاجی عبدل حمید افندی یه

گلیر نوروز کیم، ائتسین مزیّن باغ و صحرانی.
گتیرسین صورته خلاق قدرت سرو رعنانی،
تؤکولسون ابردن باران اشک چشم آدم تک،
هوا قیلسین هویدا عارض زیبای حوانی.
یاووق دور کیم، چمن لر رشک گولزار-
خلیل اولسون، بنفشه ائیله سین اظهار بوی میشک سارانی.
گوله بولبول لر اولسون جمله اسماعیل تک قربان،
چو هاجر لاله ائتسین داغ جسم و جان شیدانی.
چیخا بطن سمک دن یونس خورشید نور افشان،
ائده برج حمل دن آشکار روی زیبانی.
مگر ایوب دیر سَلسَل کی، صبر ائیلر زمستانه،
مگر جیرجیس دیر ساری کی، چکدی جور سرمانی؟
یاووق دور کیم، باهار ائتسین جاهانه تازه دن رونق،
چنان کی، نوح قیلدی یئنگی دن مأمور دنیانی.
یاووق دور کیم، رخ زیبای گول مصر محبتده
مزیّن ائیله سین یوسف کیمی بزم زلیخانی.
نسیم گول یئتیب چون نکهت پیراهن یوسف
قیلا یعقوب تک بولبول منور چشم بیضانی.
اولار فرعون دور، مصر چمندن دفع اولدوم کیم،
بوروز ائیلر گول سور ید بیضای موسی نی.
یئتیب اول گون کی، نرگیس باشه آلسین تشت زرینی،
یئتیب اول دم کی، ائتسین لاله ظاهر خون یحیی نی.
بساط باغی ائتسین گول مسخر اؤیله کیم، گویا
سلیمان ابن داود ائیله‌دی شهر اَهیرانی.
درخت غنچه اولسون حامله چون مریم –
عذرا، بوروز ائتسین چمن لرده صبا اعجاز عیسی نی.
زبوری زندخانلارائیله سین داود تک ازبر،
او الحان ایله کیم، زردشت اوخوردو زَندِ زَندانی.
چمن بیت المقدس، طیرلر “نسطور” “مُلکا” تک،
اوخورلار لحن روح افزا ایله اینجیل لوقانی.
بولودلار ناقۀ صالح کیمی رقصان هوالرده
و لاکین حمل ائدیب اول ناقه‌لر لؤلوی لالانی.
یاووق دور کیم، زمستان قوم لوت آسا هلاک اولسون،
هوا روح الامین تک گؤستره “آیات کبرانی”.
یاووق دور کیم، عرق لنسین جمال مصطفی تک گول،
بوروز ائتسین چمنده بوی خلق شاه بطحانی.
اونو تصدیق قیلسین حضرت صدیق تک بولبول،
اونو فاروق تک توصیف قیلسین قمری الحانی.
یاووق دور کیم، قیزارسین لاله خون پاک عثمان تک،
الینه سوسن آلسین مرتضی تک تیغ بورانی.
یاووق دور کیم، آچیلسین لالۀ احمر نقابیندان،
رسول عشق گؤرسون عارض آل حمیرانی.
گتیرسین زمرۀ عِرق نثاره عَقد پروینین،
زوهرلر ظاهر ائتسین باغدا رخسار زهرانی.
یاووق دور کیم، بساطی مفتی اسلام تک آچسین
طبای ساحت گولزارده تصنیف لر شانی.
باهار عالم آرا خرم ائتدی عالمی، گویا
کرامت بیرله مریم سبز قیلدی نخل خرمانی.
او مفتی کیم، اونون حکمتده بیر یکساله شاگردی
پسند ائتمز دبستانیندا “قستا ابن لوقان”ی.
او کیوان منزلت، اول مشتری اقبال کیم، هر شب
نثار ائیلر فلک درگاهینا عقد ثریانی.
حمیدُ ظُل معالی، اول مَکینِ رتبۀ عالی
کی، سالمیش نجم اقبالی وباله بخت اعدانی.
هانی موسی کی، گلسین وادیی تفلیسه عزم ائتسین،
او پاکین سینه سیندن سئیر قیلسین تور سینانی.
دم جان بخشی ائیلر مردۀ صد ساله‌لر احیا،
هانی انکار ائدن لر معجزۀ پاک مسیحانی.
الا، ای مفتی اسلام کیم، اوصافین ائتمکچون
مرتب قیلدی سیّد صدق ایله بو شعر شیوانی.
بودور امید مولادان کی، مثل مفتی سابق
نوالین ائتمه یه مغبون شفقتدن بو مولانی.
چنان کی، سکیز ایل بوندان مقدم شهر شیرواندا
یازیب بیر نظم زیبا، مدح قیلدیم مفتی آغانی.
دئدیم بیر طبل کیم، معراجده گؤرموشدو پیغمبر،
اولور کی، چالدریب شفقتله سالسین چرخه اعوانی.
اونو چالدیرمادی چون اؤز الیله مفتی اول،
بو دفعه چالدیرار، الله قویسا، مفتی ثانی.
امید اولدور کی، سلطان باهار ائتدیکده اشجاری
موخلله خلعت الوان ایله، ای مرحمت کانی!
گله شیروانه اعزاز ایله ناگه خلعت مفتی،
ایلاهی، ائیله سیّددن اجابت بو تمنانی.